7-ANYOS NA ESTUDYANTENG AYAW MAGBASA AT MAGSULAT PINALO NG STICK SA ULO AT INUNTOG SA LAMESA NG TEACHER; INA NG BATA NAGPAABOT NG ALALAHANIN

 

 

Takot nang pumasok sa ekswelahan ang isang 7-anyos na estudyante matapos itong paluin ng stick sa ulo at iuntog sa lamesa ng kaniyang guro makaraang hindi magbasa at magsulat, sa isang eskwelahan sa bayan ng Altavas.

 

Sa panayam ng K5 News Team sa ina ng estudyante, ipinunto nitong hindi sapat na dahilan ang hindi pagbabasa o pagsusulat ng kaniyang anak para malimit itong saktan.

 

Ayon sa Misis, bigla na lamang umuwi ang kaniyang anak na umiiyak at nagsasabing hindi na nito gusto pang pumasok sa eskwelahan dahil sumasakit ang kaniyang ulo at nagsusuka makaraang paluin sa ulo ng stick at hawakan ang gilid ng buhok at iuntog ang ulo sa lamesa ng kaniyang Teacher, kahit pa hiniling na nitong sa ibang bahagi na lang ng katawan ito saktan.

 

Dahil dito, makailang ulit aniya itong nakipag-ugnayan sa pamunuan ng eskwelahan ngunit paulit-ulit lamang na kinakansela at tila kinakampihan pa aniya ng Principal ang nasabing Teacher.

 

Kumbinsido rin aniya ito na nagsimula ang lahat matapos na hindi ito makapagbigay ng pera sa kanilang solicitation na libo ang halaga.

 

Sa huli inihayag nito ang pagnanais na makaharap ang guro na responsible sa pananakit sa kaniyang anak at mapanagot sa kaniyang nagawa. |TERESA IGUID