POPSTAR ROYALTY SARAH G, KAUNA-UNAHANG BORN-AND-RAISED FILIPINA NA TATANGGAP NG PAGKILALA SA BILLBOARD WOMEN IN MUSIC

Tatanggap ng Global Force Award si Popstar Royalty Sarah Geronimo sa gaganaping Billboard Women in Music Awards, ayon sa anunsiyo ng sikat na international music and entertainment magazine

Nabatid na ito ang kauna-unahang pagkakataon na kikilalanin ng Billboard ang isang born-and-raised full blooded Filipina, at ito ay dahil sa impluwensiya nito sa musikang Pilipino at sa buong mundo.

Dagdag pa dito, na ipinakita ng singer ang kahusayan nito bilang isang all-around performer kung saan inukit na raw ang kanyang pangalan sa larangan ng musika at entertainment dahil sa top-selling concerts at chart-topping hit songs nito.

Ayon pa sa Billboard Philippines na nag-nomina kay Sarah, naging inspirasyon ito para sa mga babae at sa lahat ng nangangarap na singers at artists, gayundin ang pagsimbolo nito sa kahulugan ng isang tunay na Filipina.

Dahil dito, makakasama naman ni Sarah Geronimo ang malalaking pangalan sa larangan ng entertainment na kinilala rin ng Billboard katulad ni Beyonce, Taylor Swift, at Lady Gaga. |TERESA IGUID