DIGITAL DRESS NA KAYANG MAG IBA-IBA NG PATTERN, IBINIDA NG ISANG SOFTWARE COMPANY SA PUBLIKO

 

Namangha ang publiko sa ibinidang bagong disenyo ng digital dress ng isang software company sa Adobe MAX 2023 conference sa Los Angeles Convention Center.

Kaya kasi nitong pagpa iba-iba ng pattern sa isang ‘click of a button’ dahil gawa ito sa liquid crystals na karaniwang ginagamit sa mga smart lighting.

Ayon sa mga researchers ng tinawag na “Project Primrose”, ang mga sequins ng damit ay literal na maliliit na screens na hinulma gamit ang smart materials.

Sa unang tingin, isa lang itong normal na dress pero kapag pinindot ang remote control ay nag-iiba ang pattern nito pati na ang kulay mula light to dark.

Maliban dito, kaya rin nitong tumugon sa galaw ng katawan ng sumusuot para mag-iba ang pattern.

Mismong si Christine Dierk ang nagsuot nito para i-present at siya rin ang nag-disenyo at tumahi ng nasabing damit.

Parte rin ng proyekto ang paggawa ng iba pang produkto daya ng handbags at mga canvas.