VP SARA DUTERTE, ITINANGGI NA ITO ANG DAHILAN SA NANGYARING TRAFFIC MATAPOS IPASARA NG ISANG PULIS ANG KALSADA SA MAY COMMONWEALTH AVENUE

Mariing tinanggi ng bise-presidente ang nag-viral na video kung saan pinasara ang kalsada sa may Commonwealth Avenue dahil tatawid umano si VP Sara Duterte.

Maririnig din sa video ang paulit-ulit na pagsambit ng isang lalaki na tatawid umano ang bise-presidente matapos nitong tanungin ang isang pulis kung bakit pinasara ang isang kalsada sanhi ng mabigat na daloy ng trapiko.

Sa inilabas na pahayag ng Office of the Vice President, ipinunto dito na nasa Mindanao ang bise-presidente upang ipagdiwang ang World Teacher’s Day at lumahok sa iba pang mga aktibidad.

Nakasaad pa sa pahayag na hindi nakipag-ugnayan ang Vice President sa QCPD at iba pang ahensya ng gobyerno para gumawa ng isang aksyon na ikakapahamak o magiging abala sa publiko.

Sa kabilang banda, inalis na muna sa puwesto ang sangkot na pulis na nagpasara ng kalsada para padaanin umano si Vice Pres. Sara Duterte.

Sinasabing nalito lamang umano ang pulis nang may narinig na may dadaang VIP sa kalsada. |SAM ZAULDA