UZBEK AT PHILIPPINE CYCLIST, SUSPENDIDO SA ASIAN GAMES MATAPOS MAGPOSITIBO SA DRUGS

 

Hindi na muna makakalaban sa Asian Games sina Uzbek cyclist Aleksey Fomovskiy at Philippine Mountain Biker Ariana Evangelista matapos itong magpositibo sa drug test.

Tinapos ni Fomovskiy ang kanyang laban bilang ikalima sa men’s omnium track cycling final noong Setyembre 28 at ikaanim sa road time trial race nitong martes.

Habang, tinapos naman ni Evangelista, 27-anyos ang kanyang laban sa women’s mountain bike race noong Setyembre 25.

Lumabas sa pagsusuri kay Fomovskiy ang anabolic androgen steroids sa in-competition test na isinagawa sa araw mismo ng omnium finals.

Gayundin, si Evangelista ay nakitaan ng erythropoietin (EPO) sa blood at urine samples na kinolekta naman sa out-of-competition test.

Samantala, ipinasa na sa Anti-Doping Division lng Court of Arbitration ng Sport ang kaso ng dalawang atleta para sa nauukol na hatol sa ilalim ng Anti-Doping Rules.   

|SANDRO SALAZAR