Planong magtrabaho ng isang
90-anyos na lolang empleyado sa isang fast food chain sa Japan hanggang sa ito’y
umedad ng 100 na taon.
Sa isang ulat, naniniwala si
Tamiko Honda na ang kanyang pagtatrabaho ay isa sa mga paraan upang mapabuti
ang kaniyang kalusugan kung kaya’t nais nitong ipagpatuloy ito hanggang sa
kanyang centennial years.
Ipinanganak ni Honda sa Uki
City, Kumamoto Prefecture, Japan na unang nagtrabaho bilang nursing staff sa
Kumamoto City.
Ngunit, kinailangan nitong
iwan ang naunang trabaho dahil sa umabot na ito sa mandatory retirement na edad
na 61 hanggang sa napagdesisyunan nitong maging parte ng cleaning staff sa
isang unibersidad ng 7 taon.
Inamin ni Honda na ang kaniyang
pagtatrabaho ay naging isang mabuting distraksyon lalo na’t na hindi n anito gawin
ang nakahiligang libangan sa pananahi dahil sa katarata.
Samantala, inilalarawan si
Honda ng mga katrabaho nito bilang isang masipag at minamahal nila ang
nakakahawang ngiti nito. |SAM ZAULDA
.png)
.png)
0 Comments