PINOY SA ISRAEL, HOSTAGE NG HAMAS; 3 SUGATAN, 4 ANG NAWAWALA – FILIPINO COMMUNITY LEADER

Hawak na hostage ng mga Hamas ang isang Pilipino sa Israel matapos ang ginawang pag-atake ng mga militanteng grupo sa lugar nitong nakaraang linggo.

Ayon kay Lourdes Levi, Filipino community leader sa Israel, nasa kamay ng mga Hamas ang kasamahan nilang Pinoy habang 3 pa ang sugatan dulot ng pag-atake.

Maliban sa isang hostage at tatlong sugatan ay mayroon pa umanong apat na mga Pinoy ang nawawala at patuloy na pinaghahanap.

Dagdag pa rito, sinabi sa isang panayam na limang mga Pinoy ang nananatiling nawawala pati may isa pang hostage ang dinala sa Gaza.

Si Levi ay isa sa mayroong direktang kontak sa mga opisyal ng embahada ng Pilipinas at ng community leaders upang makipagpalitan ng impormasyon at updates tungkol sa sitwasyon ng mga Pilipino sa nasabing bansa.

Batay naman sa Philippine government, nasa 30,000 na ang mga Pilipinong nandoon sa Israel ngunit karamihan sa kanila’y nasa hilagang bahagi ng bansa kung saan malayo ito sa lugar na pinangyarihan ng kaguluhan.

Umabot na din sa libo-libong mga indibidwal ang naitalang nasawi matapos ang nangyaring pag-atake ng mga militanteng grupo sa Israel.

Samantala, nagdeklara naman ng “war” kontra sa Hamas ang Prime Minister na si Benjamin Netanyahu bilang paghihiganti. |SAM ZAULDA