RICE RETAILERS NA APEKTADO NG PRICE CAP, MAKATATANGGAP NG P15K ASSISTANCE

Inihayag ni Department of Social Welfare and Development Secretary Rex Gatchalian na maaaring  makatanggap ang small retailers na apektado ng rice price cap ng P15,000 financial assistance sa ilalim ng Sustainable Livelihood Program ng Department of Social Welfare ang Development (DSWD).

Kaugnay nito, magpapalabas ang Department of Trade and Industry (DTI) at Department of Agriculture (DA) ng listahan ng mga benepisaryo ng nasabing tulong.

Matandaan na sinabi ni House Speaker Martin Romualdez na target ng administrasyong Marcos na magbigay ng ₱2 bilyon na halaga ng tulong sa rice retailers na makakaranas ng pagkalugi dahil sa price ceiling.

Ang price ceiling sa bigas ay epektibo ngayong araw ng Martes, Setyembre 5.