PH INFLATION UMAKYAT SA 5.3%

Muling bumilis ang inflation rate o ang pagtaas ng presyo ng pangunahing bilihin sa bansa sa 5.3% noong Agosto, batay sa ulat ng Philippine Statistics Authority (PSA).

Ito ay nagpapakita na ang inflation ay mas mabilis noong Agosto kumpara sa 4.7% noong Hulyo.

Ang inflation rate ng Agosto ay pasok naman sa 4.8% hanggang 5.6% na forecast range ng Bangko Sentral ng Pilipinas para sa buwan.

Samantala, inihayag ng Bangko Sentral na ang pagtaas ng presyo ay maaaring nagmula sa pagtaas sa mga presyo ng gasolina, gayundin ang mas mataas na gastos sa transportasyon, at mga produktong pang-agrikultura. |JURRY LIE VICENTE