LGU KALIBO, NAGSAGAWA NG SEMINAR RE: ECOLOGICAL SOLID WASTE MANAGEMENT CODE OF KALIBO

Nagsagawa ng augmentation seminar ang Human Resource ng lokal na pamahalaan ng Kalibo kaugnay sa implementasyon ng Municipal Ordinance 2009-004 o ang Ecological Solid Waste Management Code of Kalibo.

Ito ay may temang “5s and Solid Waste Management in the Workplace Orientation”.

Layunin nitong mabigyan ng kaalaman ang mga empleyado ng munisipyo hinggil sa “No Segration, No Collection Policy” na nakatakdang ipatupad sa Oktubre.  

Tinalakay sa naturang seminar ang ilang hakbang para maunawaan ng mga empleyado ang kahalagahan ng waste segregation.

Ito ay upang mabawasan ang mga basurang kinokolekta sa mga kabarangayan sa Kalibo at commercial establishment lalo na’t ipinagbabawal ang open dumping.

Isa rin itong paraan ng tamang paghihiwalay ng mga basura nang sa gayon ay “residual waste” na lamang ang kokolektahin ng LGU.

Samantala, isa sa mga problemang kinakaharap ng mga kabarangayan ay ang kakulangan sa Material Recovery Facility (MRF). |JURRY LIE VICENTE