OPISYAL NG PCG, DISMAYADO SA KAWALANG-SUPORTA SA PROBLEMA SA WEST PHILIPPINE SEA

Dismayado si Commodore Jay Tarriela, spokesperson ng Philippine Coast Guard (PCG) para sa WPS, dahil kawalang-suporta umano ng ilang “external actors” ukol sa pakikipaglaban ng bansa sa mga teritoryo sa West Philippine Sea.

“It is disheartening to hear doubts cast on our capabilities to carry out this duty without the support of other external actors,” ayon sa PCG spokesperson para sa WPS.

Nailabas ang reaksyon ni Tarriela matapos magpahayag ng komento si Sen. Robinhood Padilla, kung saan kinukuwestiyon nito ang presensya ng isang United States Navy aircraft sa military resupply mission sa Ayungin Shoal noong Setyembre 8, na sinabi niya na maaaring magdulot ng mas mataas na tensyon sa teritoryo.

Sinabi rin ng mambabatas na maaaring makaladkad umano ang Pilipinas sa isang “proxy war” sa pagitan ng USA at ng China.

“The disputes in the South China Sea should not be framed solely as a competition between powerful nations, as this denies us our ­independence and disregards our legitimate interests,” dagdag pa ni Tarriela. | JOHN RONALD GUARIN