ONLINE SCAM, NANGUNGUNA SA TOP 10 CYBERCRIME CASES NA NAITALA NG PNP

 

Nangunguna ang Online Scams sa top 10 cybercrime cases na naitatala ng Philippine National Police-Anti-Cybercrime Group (PNP-ACG) batay sa datus mula Enero hanggang Agosto ng taong 2023.

Sa isang pahayag ni PNP-ACG Director PBGen Sydney Sultan Hernia, nabatid na patuloy ang pagtaas ng kaso na kanilang naitatala ukol sa ibat ibang uri ng cybercrime sa bansa.

Dagdag pa ng naturang police unit na nagawa na nilang maimbestigahan ang hanggang 16,297 kaso ng cybercrime sa buong bansa.

Habang itinuturing naman aniya ito sa kasaysayan ng Anti-Cybercrime unit, na record-breaking o pinakamarami.

Samantala maliban sa online scam, napag-alaman din na mataas ang bilang ng iba pang cybercrimes, katulad ng Illegal Access, Computer Related Identity Theft, ATM/Credit Card Fraud, Threats, Data Interference, Anti-photo and Video Voyeurism, Computer Related Fraud, at Unjust Vexation. | TERESA IGUID