MGA NAMATAY SA MATINDING PAGBAHA SA LIBYA, MAHIGIT 5,100 NA

Mahigit 5,100 ang nasawi dahil sa matinding pagbaha sa Libya, ayon sa kumpirmasyon ng mga otoridad sa naturang bansa.

Base sa ulat, libu-libong mga residente ang nawala sa silangang lungsod ng Derna, at marami ring mga tao roon ang inilikas at nanatili sa evacuation centers.

Matandaan na hinagupit ng Mediterranean Storm Daniel ang Libya noong nakaraang Linggo, Setyembre 10, kung saan dalawang dam ang bumagsak rason na nagkaroon ng matinding pagbaha sa lugar.

Naniniwala naman si Derna city Mayor Abdulmenam Al-Ghaithi na posibleng mahigit 20,000 na mga residente ang namatay dahil sa nangyaring trahedya.

Sa pahayag naman ni Emad al-Falah, aid worker mula sa Benghazi, kalat-kalat ang mga bangkay dulot ng pagbaha—sa loob ng mga bahay, sa kalsada, at maging sa karagatan. | JOHN RONALD GUARIN