MGA CERTIFIED FARMER SA KALIBO, HINIHIKAYAT NA MAKIBAHAGI SA REGISTRY SYSTEM NG DA

Hinihikayat ang mga certified farmer na magparehistro sa Registry System for Basic Sector in Agriculture (RBSA) na programa ng Department of Agriculture (DA).

Ito ang ipinaabot ni Mr. Uriel Las Piñas ng Municipal Agriculture Office sa panayam ng Radyo Bandera Sweet FM Kalibo.

Aniya, bukas ito sa lahat ng farm worker, fisherfolks, livestock farmer at laborer sa bayan ng Kalibo.

Dagdag pa nito, patuloy ngayon ang kanilang pagtanggap ng forms para isumite sa DA Region 6.

Sinabi rin nito na kailangang i-certify ng barangay ang mga magsasaka bilang isang legit na farmer sa kanilang lugar.

Kabilang sa mga nagreregulate ng RBSA form ay ang Barangay Captain, Municipal Agricultures Office, Municipal Agricultural and Fisheries Council Chair para maisumite sa Agricultural Productivity Office.

Paliwanag pa nito, mayroong clustering sa pamamahagi ng financial assistance na kinabibilangan ng 1^st Priority, 2^nd Priority at 3^rd Priority.

Sa ngayon, tanging ang mga rice farmer pa lamang ang nakakatanggap ng tulong pinansyal partikular ang mga nagpa-enroll tatlong taon na ang nakalipas.

Gayunpaman, nakadepende aniya sa ipapadalang masterlist ng DA National kung sino ang mga makakatanggap ng financial assistance. | JURRY LIE VICENTE

 

(via Romy Cahilig)