MALAYSIAN FIRM NA VALIRAM GROUP, PLANONG MAGTATAG NG DUTY-FREE RETAIL OUTLETS SA MGA AIRPORTS SA PILIPINAS

 

Balak ng Malaysian Firm Valiram Group na magtatag ng Duty-Free Retail Outlets sa mga airports sa bansa sa susunod na limang taon. 

Ito ang napag-usapan sa isinagawang pakikipagpulong ni Pres. Ferdinand Marcos Jr., sa mga opisyal ng Valiram Group, isang Malaysian retail specialist habang nasa Singapore ang Pangulo.

Ayon sa Valiram Group, layon nitong palakasin ang mga operasyon sa Pilipinas sa pamamagitan ng mga airport outlet para sa duty-free retail tourism.

Inihayag din ng opisyal ng Valiram na nais nitong dalhin sa bansa ang kanilang napagtagumpayan sa Southeast Asia.

Samantala, ipinagmalaki rin ng kompanya na mayroon silang 500 stores dahilan na gusto nitong pumasok sa Pilipinas upang ipagmalaki ang produkto na gawang Pinoy. | JURRY LIE VICENTE