MAHIGIT 700 NA KANDIDATO SA BSKE, INIREKLAMO SA PREMATURE CAMPAIGNING

Umabot na sa mahigit 700 mga kandidato sa Barangay at Sangguniang Kabataan Elections (BSKE) ang napadalhan na ng Commission on Elections (Comelec) ng show cause orders dahil sa ‘premature campaigning’.

Sa isang pahayag, sinabi ni Comelec Chairman George Garcia na hanggang Setyembre 15, umabot na sa 737 ang kanilang napadalhan ng show cause orders.

Kabilang sa mga inireklamong kandidadto ay may paglabag sa batas sa pamamagitan ng mga socia media posts, namigay ng pagkain at items na may pangalan at litrato sa kanilang barangay. 

Kaugnay nito, muling nagbabala si Garcia na sasampahan nila ng ‘election offense’ at ‘disqualification case’ ang mga nasabing kandidato na hindi sasagot sa ipinadalang mandato na magpaliwanag. | JURRY LIE VICENTE