LGU KALIBO, GUSTONG MAGKAROON NG AQUACULTURE FEED MILL PLANT

(photo courtesy  | Feed Pellet Machines/website)

Naniniwala ang lokal na pamahalaan ng Kalibo na mahal ang presyo para maka-produce ng mga Agricultural Products ang mga fish farmers gayundin ang mga magsasaka sa Poultry at Livestock Production dulot ng mataas na presyo ng mga feeds.

Dahil dito, suportado ng Sangguniang Bayan ng Kalibo ang Senate Bill No. 2417, na planong magtatag ng Aquaculture Feed Mill Plant sa Barangay Bahit, Pan-Ay, Capiz.

Ayon kay SB Member Augusto Tolentino, suportado ng konseho ang naturang plano kung kaya’t nais ng LGU Kalibo na magkaroon ng kaparehong pasilidad sa nasabing bayan.

Dagdag pa ni Tolentino, mataas ngayon ang pangangailangan ng mga Meat and Poultry Products lalo na sa mga Hotels, Restaurants at iba pang mga negosyo paglipas ng Pandemic at ASF Outbreak.

Gayunpaman, nahihirapan din ang mga Poultry at Livestock Farmers na makabangon muli dahil na rin sa mataas na presyo ng mga feeds. | JURRY LIE VICENTE

(via Doniel B Aguirre)