KOLEHIYALA, SINAKSAK-PATAY ANG INA DAHIL SA TAKOT

Napatunayang nagkasala ang 23-anyos na kolehiyala matapos nitong tadtarin ng saksak ang 50-anyos na ina noong 2020.

Batay sa isang ulat, natakot umano ang nasabing kolehiyala na matuklasan ng kaniyang ina na na-expelled ito sa unibersidad na pinapasukan dahilan na hinampas niya ng bakal sa ulo ang ina bago ito sinaksak ng 30-beses sa leeg.

Nabatid na 19-anyos pa lang noon ang suspek nang ginawa nito ang kalunos-lunos na krimen sa mismong nanay nito.

Naisugod pa sa ospital ang biktima ngunit hindi rin nagtagal ay binawian din ito ng buhay.

Ayon sa tatlong defense experts na sumusuri sa dalaga, isiniwalat nilang na-diagnosed umano ng schizophrenia ang kolehiyala at hindi nito lubos na naintindihan ang ginawang krimen dulot ng mental disorder.

Subalit, sumalungat naman rito ang clinical psychologist na si Dr. Silvia o’Bradovich nang iginiit nitong noon pang 11-anyos nagsimulang makaranas ng sintomas ang kolehiyala, kung kaya’t napakabihirang atakihin umano ito ng sakit dahil sa karaniwang lumalabas ito sa kalagitnaan hanggang huling bahagi ng twenties para sa mga kababaihan.

Sa ngayon ay nahaharap sa mga kasong pagpatay, felonious assault at ang pangingialam sa ebidensya. |SAM ZAULDA