ILANG PROGRAMA NG DOLE HINDI KABILANG SA ELECTION BAN

Inaprubahan ni Comelec Chairman George Garcia ang rekomendasyon ng Comelec Law Department na hindi isama ang ilan sa mga programa at proyekto ng Department of Labor and Employment (DOLE) sa election ban.

Kabilang sa mga programa ng DOLE ay ang mga sumusunod:

• Special program para sa Employment of Students na may 34,496 beneficiaries
• Government Internship Program na may 30,745 beneficiaries
• JobStart Philippines Program na may 647 beneficiaries
•  DOLE Integrated Livelihood Program o KABUHAYAN Program na may 48,461 beneficiaries
• Tulong Panghanapbuhay sa Ating Disadvantaged/Displaced Workers Program (TUPAD) na may 1,059,135 beneficiaries.

Kaugany nito, binanggit ni Labor Secretary Bienvenido Laguesma na kinakailangang ipagpatuloy ang implementasyon ng programa kahit na sa panahon ng election ban dahil ang mga ito ay matagal nang itinatag at nagpapatuloy sa kalikasan. |JURRY LIE VICENTE