HOLIDAY MONITORING SA PRESYO NG MGA PRODUKTONG PANG-AGRIKULTURA, SINIMULAN NA NG DA

Sinimulan na ng Department of Agriculture (DA) ang monitoring sa paggalaw ng presyo ng mga produktong pang-agrilkultura sa mga pamilihan.

Ito ay sa gitna ng pagtaas ng presyo ng mga pangunahing produkto sa panahon ng Christmas season.

Sa isang pahayag, sinabi ni Bureau of Plant Industry director Glenn Panganiban na nakipag-ugnayan ang agribusiness and marketing assistance service (AMAS) ng DA sa Department of Trade and Industry at Department of the Interior and Local Government upang tiyaking namomonitor ang mga pagtaas ng presyo ng mga pangunahing bilihin sa panahon ng 'Ber months.

Samantala, tiniyak naman ng DA official na gumagawa sila ng hakbang para mapataas ang produksyon ng pagkain hindi lamang sa palay gayundin ang iba pang high value crops. |JURRY LIE VICENTE