Inirekomenda ng Philippine Anti-Organized Crime Commission
(PAOCC) ang face recognition sa pagpaparehistro ng mga SIM card, na nagsasabing
hindi sapat ang kasalukuyang mga patakaran para labanan ang mga text spam at
scam.
Nabatid kay PAOCC Executive Director Gilbert Cruz na
mayroong mga kaso kung saan ang mga cartoon character ay ginagamit sa proseso
ng pagpaparehistro at tinatanggap naman ng SIM registration system ng mga
kumpanya ng telecom.
Kaugnay dito, iminungkahi rin ni Cruz na alisin ng mga
telecom companies ang system at mag-tap na lang ng grupo ng mga tao sa
verification process ng mga nagrerehistro ng SIM card.
Ang pahayag ni Cruz ay sa gitna ng talamak na pagbebenta ng
mga SIM card na ginagamit sa online scam at iba pang cybercrimes.
Samantala ipinunto naman ni Cruz na kakailanganin ang
matinding pagsisikap para sa manu-manong proseso ng pag-verify kung kaya’t dapat
aniyang gawin muna ang manual verification. |TERESA IGUID
.png)
.png)
0 Comments