ANTI RABIES VACCINATION, MAGPAPATULOY SA BAYAN NG KALIBO

Inanunsyo ng Municipal Agricultural Services Division (ASD) Kalibo na magpapatuloy ang pagbakuna laban sa Rabies ang Vaccination Team sa mga natitirang barangay sa bayan ng Kalibo.

Sa isang pahayag, sinabi ni Dr. Janna Rose Menez Nepomuceno, Veterinarian I, na nahinto ang pagbabakuna dahil sa pag-ulan nitong nakaraang linggo dahilan na gagamitin nito ang mga nakatakdang Buffer Dates para sa Anti Rabies Vaccination.

Dahil dito, pinaghahanda ang mga residente ng Barangay Tinigao sa Setyembre 26 araw ng Martes habang ang Barangay Andagao ay pupuntahan sa Setyembre 28, 2023.

Kaugnay nito, hinihiling sa mga may-ari ng aso na maghanda sa pamamagitan ng paglalagay ng tali, nakaligo at mas mabuting naka-purga ang kanilang mga alaga, at tiyaking may tao ang bahay na mag-assist sa mga magbabakuna. | JURRY LIE VICENTE

(via Doniel B Aguirre)