5 SUGATAN SA MAGNITUDE 6.3 NA LINDOL SA CAGAYAN

Limang indibidwal ang iniulat na sugatan dahil sa  gumuhong pader matapos tumama ang magnitude 6.3 na lindol sa karagatan ng Dalupiri Island sa Calayan, Cagayan noong Martes ng gabi, Setyembre 12.

Batay sa Office of Civil Defense (OCD), tatlo ang nagkaroon ng minor injuries habang dalawang iba pa ang naiulat na nakaranas ng brain trauma at head concussion.

Inihayag ng ahensya na walang namatay, evacuees at malalaking pinsala sa imprastraktura na naiulat sa ngayon.

Tiniyak din ng OCD na maipamahagi  ang tulong sa mga apektadong residente habang naka-standby din ang search and rescue teams. |JURRY LIE VICENTE