$300,000 RANSOM, HINIHINGI NG MGA HACKER KAPALIT NG PHILHEALTH DATABASE

Humihingi ng $300,000 ransom ang mga hacker mula sa gobyerno ng Pilipinas sa kabila ng umano’y ulat na ang database ng Philippine Health Insurance Corporation (PhilHealth) ay ibinebenta sa Dark Web.

Ayon kay Secretary Ivan Uy of the Department of Information and Communications Technology, kasalukuyan nang iniimbestigahan ng kanilang crack team ang umano’y hacking na ginawa sa pamamagitan ng “Medusa ransomware”.

Ani pa nito, hindi aniya sila magbabayad sa hinihinging ransom dahil nakalagay sa polisiya ng gobyerno na hindi ito agad-agad na bibigay sa banta o anumang ransom techniques.

Kamakailan, sinabi ng PhilHealth na kaagad nilang pinigilan ang pag-access sa kanilang website at portal matapos ma-detect ang cyberattack bilang parte na rin ng information security measures.

Samantala, inilahad naman ng PhilHealth sa mga miyembro nito ang pansamantalang paraan para magsumite ng kanilang benepisyo at kontribusyon habang inaayos pa ang cyberattack sa kanilang system. |SAM ZAULDA