25,000 DIRHAMS KADA BUWAN SA LOOB NG 25 YEARS, NAPANALUNAN NG ISANG PINAY SA UAE

Naka-jackpot ang isang Pinay na naninirahan sa United Arab Emirates matapos manalo sa Fast5 Emirates Draw ng 25,000 dirhams kada buwan sa susunod na 25 taon.

Kinilala ang maswerteng Pinay na si Freilyn Angob, 32-anyos na pangalawang nanalo ng Grand Prize FAST5 draw.

Ang matatanggap ni Angob ay katumabs ng tumataginting na 386,458 pesos kada buwan sa loob ng 25-taon.

Plano ngayong pakasalan ng Pinay ang kanyang kasintahan na matagal na aniyang plano pero hindi matuloy-tuloy dahil sa kakulangan sa pinansyal.

Unang nagtrabaho bilang dental nurse si Angob sa UAE at ngayon ay isa na itong laser technician at nasa 10 taon nang naninirahan doon.

Hinikayat naman nito ang mga Pinoy sa naturang bansa na maglaro sa Emirates Draw FAST5 dahil posibilidad na manalo ng malaking halaga.