100 KATAO, PATAY SA SUNOG SA IRAQ

 

Umabot sa halos 100 katao ang naitalang nasawi sa nangyaring sunog sa Qaraqosh, Nineveh sa bansang Iraq.

Sa isang ulat, daan-daang katao ang dumalo sa isang selebrasyon ng kasal sa banquet hall ng naturang lugar nang mangyari ang trahedya.

Pahayag ng ilang mga saksi at civil defense officials, nagsimula ang sunog nang sumiklab ang mga paputok habang sumasayaw ang bagong kasal.

Hanggang sa lumala pa ito dahil sa nakapalibot na highly flammable metal at plastic composite panels sa buong bulwagan.

Inaresto naman ng mga awtoridad ang may-ari, 10 staff ng venue, at 3 taong sangkot sa likod ng mga paputok na naging ugat ng sunog.

Samantala, daan-daang indibidwal ang nakiramay at dumalo sa libing ng mahigit 40 biktima ng nasabing trahedya.