SPAIN AT PORTUGAL, NAKAKARANAS NG MALAWAKANG FOREST FIRES
Ni John Ronald Guarin
Trahedya ang kinakaharap
ngayon sa bansang Spain at Portugal dahil sa malawakang sunog sa kanilang mga
kagubatan.
Sa gitna ng patuloy na pagtaas
ng temperature sa dalawang bansa, posibleng magkaroon ng pangatlong heatwave sa
kanilang summer season.
Ayon sa AEMET, isang Spanish
state meteorological agency, isinailalim na sa red weather alerts ang buong bansa
dahil aabot ang kanilang temperature sa 44 degrees Centigrade sa loob ng limang
araw.
Ito ang pinakamainit na
temperaturang naitala sa loob ng 73 taon.
Base naman sa ulat, mahigit
15,000 ektarya ng mga puno ang patuloy na nasusunog sa Portugal, lalo na sa
rehiyon ng Odemira, kung saan nasa 1,500 na mga residente ang inilikas dahil sa
naturang kalamidad.
Patuloy naman ang pag-apula ng
mga otoridad sa naturang lugar ngunit imposible pa itong mahupa.
Sa pahayag naman ng mga
eksperto, resulta na ng climate change ang matagal at mas malakas na heatwave,
kung saan makikita sa buong Europe ang epekto nito tulad na ng wildfires.
(via Agence France-Presse)
0 Comments