“STOP BULLYING US”
Ito ang naging pahayag ni Sen. Christopher “Bong” Go matapos
ang insidenteng pagbomba ng tubig ng China Coast Guard sa sasakyang pandagat ng
Philippine Coast Guard.
Nakatakdang tutungo ng Ayungin Shoal ang PCG upang
mag-escort sa mga katutubong bangka na pinaarkila ng Armed Forces of the
Philippines (AFP) para maghatid ng pagkain, tubig, gasolina, at iba pang suplay
sa mga tropang militar na nakatalaga sa BRP Sierra Madre.
Ngunit, bigla nalang silang inatake ng water cannon ng CCG.
Nakiusap naman si Go sa pamunuan ng China na tigilan na
ang pangbu-bully sa PCG at mga mangingisdang Pinoy.
Matatandaang si Go ang nagpatatag ng mas malapit na
ugnayan ng Pilipinas at China sa ilalim ng pamumuno ni dating Pangulong Rodrigo
Duterte matapos ang pag-iwas nito sa nakasanayang traditional alliance sa
Estados Unidos dahil sa pagbatikos ni dating US President Barack Obama sa
anti-illegal drugs campaign na kumitil ng libu-libong drug suspects kabilang na
ang mga menor de edad.
0 Comments