Sinagot ni Engr. Marlo Villanueva ng Local Inter Agency Council (LIAC) ang reklamo ni Punong Barangay Rafael Briones kaugnay sa mga umuukupa ng Housing units sa Briones, Kalibo.
Aniya,
isang paglabag kapag hindi ang totoong may-ari ng unit ang umuukupa sa pabahay
at maaaring ma-disqualified ito.
Paliwanag
pa nito, dapat ang may-ari mismo ang nakatira sa unit at hindi pwede ang ibang
tao.
Dahil
dito, paiimbestigahan aniya ng LIAC ang isinumiteng listahan ni Kapitan Briones
tungkol sa usapin para mabigyan ng aksyon ang nasabing isyu.
Sa
kabila nito, sinabi ni Engr. Villanueva na ibibigay sa mga susunod na
benepisyaryo ang mga abandonado na pabahay.
Matandaan
na nilagyan ng padlock ang nasa 11 housing unit matapos itong inabandona ng ilang
residente sa lugar.
Makikita
aniya na sira-sira na ang mga unit dahil sa hindi tinitirhan ng ilang
benepisyaryo kung kaya’t napagdesisyunan ng munisipyo na bawiin na lamang ito.
Samantala,
umaabot aniya sa 28 ang mga na-disqualified na pabahay sa Brgy. Briones habang babalikan
pa ng LGU ang iba pang abandonadong unit na hindi pa nalalagyan ng padlock. |
0 Comments