Kinuwestiyon ng Sangguniang Bayan (SB) ng Kalibo ang hinihingi na development at building permit ng National Housing Authority para sa ipapatayong Housing Unit sa Barangay Tigayon, Kalibo.
Ito ay matapos na ipinaabot sa konseho ni Engr. Marlo
Villanueva ng Local Inter- Agency Council (LIAC) ang tungkol dito.
Kaugnay nito, inihayag ni SB Member Augosto Tolentino na
maraming housing ang hindi ukupado lalo na’t pera ito ng taumbayan.
Dagdag pa nito, dapat alamin kung ang housing project ay
tinitirhan ng benepisyaryo.
Sinabi rin ng opisyal na mayroon umanong housing unit na
pinapatuluyan sa ibang tao at hindi mismo ang totoong may-ari ang nakatira dito.
Binigyang-diin din nito na kailangan aniyang tukuyin kung
sino ang mga nararapat na benepisyaryo ng pabahay at ipaliwanag sa konseho.
Sa huli, sinabi ni Tolentino na maraming Kalibonhon ang
nangangailangan ng housing unit ngunit hindi nabibigyan ang mga ito.
Matatandaan na isinagawa ang Groundbreaking Ceremony para
sa Kalibo Airport Resettlement Project nitong Agosto 4, 2023. |
0 Comments