Nagpaalala ang Provincial Health Office (PHO) Aklan sa publiko kaugnay sa mga lamok na naghahatid ng dengue lalo na sa panahon ng tag-ulan.
Ito ang ipinaabot ni Roger
Debuque ng PHO Aklan sa panayam ng Radyo Bandera Sweet FM Kalibo.
Aniya, dumadami ang kaso ng
dengue kapag mayroong breeding sites kung saan nangingitlog ang mga lamok.
Ito rin aniya ang dahilan ng patuloy nilang paghihikayat sa publiko na maglinis para mawala at hindi na
mangitlog ang mga lamok.
Dagdag pa nito, dumadami ang
dengue kapag nagsimula na ang rainy season mula sa buwan ng Hunyo hanggang
Agosto.
Nagpaalala pa si Debuque na ugaliin ang paglilinis
para hindi na dumami ang lamok sa bahay at makipagtulungan sa payo ng lokal na
pamahalaan.
Ang mataas na lagnat, pananakit ng katawan at ulo, nasusuka at may lumalabas na rashes ay kabilang sa mga
sintomas ng dengue.
Gayunpaman, binigyang diin
nito na sundin ang adbokasiya ng Department of Health (DOH, sirain ang lahat ng
mosquito breeding sites, magsuot ng self-protection, magpatingin sa Rural
Health Unit (RHU) kapag may sintoma at uminom ng maraming tubig. |
0 Comments