RUSSIA, KINUMPIRMA ANG PAGKAMATAY NG WAGNER LEADER SA BUMAGSAK NA EROPLANO

Kinumpirma ng Russia ang pagkamatay ng pinuno ng Wagner Group na si Yevgeny Prigozhin matapos itong nakasama sa bumagsak na eroplano noong nakaraang Miyerkules, Agosto 23, kung saan lahat ng 10 sakay nito ay hindi nakaligtas sa naturang trahedya.

 

Ayon kay Russian Investigative Committee spokeswoman Svetlana Petrenko, nagsagawa sila ng genetic testing sa 10 mga bangkay at dito nakumpirmang kabilang si Prigozhin sa mga binawian ng buhay sa pagbagsak ng naturang eroplano habang papunta sa St. Petersburg, Russia.

 

Sa kabila nito, hindi pa inilalabas ng Investigative Committee ang impormasyon kung ano sanhi ng pagbagsak ng nasabing business jet. | JOHN RONALD GUARIN