Dahil sa patuloy na pagtaas ng presyo sa buong mundo, pinag-isipan ng mga Australian young adults na magsagawa lamang ng mabilisang kasal o “quickie” na wedding trend.
Ayon sa Australian news, may isang wedding organizer na nag-aalok na kalahating oras na kasal—walang mahabang seremonya at malayo talaga sa tradisyonal na kasal kung saan umaabot ito sa dalawang oras o mahigit pa.
Sa pahayag ng co-founder ng wedding organizer na Wham Bam Thankyou Sam na si Amey Rosenthal, mayroon silang tinatawag na “micro-wedding” kung saan nasa 12 lamang na bisita ang maaaring pumunta at hindi gaanong malaki ang kanilang wedding celebration matapos ang 30-minutong seremonya.
Ginawa nila ang nasabing “quickie wedding” dahil nakikita nilang nahihirapan ang mga magkasintahan na maghanap ng wedding organizer at venue na pasok sa kanilang mahigit $1200 na budget.
Dahil dito, kinuha nila
ang inspirasyon mula sa Las Vegas micro-weddings at mula nang inilagay nila ito
sa kanilang negosyo, maraming mga ‘young adults’ ang nagpapasalamat sa kanilang
mabilisang seremonya ng pagkasal.
| JOHN RONALD GUARIN
(via New York Post)
.png)
.png)
0 Comments