PINSALA SA NAGANAP NA SUNOG SA COLEGIO DE STA. RITA SA SAN CARLOS CITY, NEGROS OCCIDENTAL, UMABOT NA SA ₱15-MILLION
Ni John Ronald Guarin
Umabot na sa ₱15 million ang
pinsala sa naganap na sunog sa Colegio De Sta. Rita sa San Carlos City, Negros
Occidental, mga bandang alas-7 ng gabi nitong Agosto 14, Lunes.
Ayon sa City Fire Marshall ng
San Carlos City na si Fire Chief Inspector Rufino Tañedo, umabot sa ikatlong
alarm ang sunog, kung saan 11 mga fire trucks sa Negros Occidental at Negros
Oriental ang nagresponde para apulahin ang sunog.
Base sa imbestigasyon, nag-umpisa
ang sunog sa kaliwang bahagi ng paaralan kung saan nandoon ang accounting
office.
Mahigit apat na oras naman ang
pag-apula ng mga bumbero bago itong nadeklarang ‘fire out.’
Sa ngayon, patuloy ang
imbestigasyon ng BFP sa nangyaring insidente habang suspendido muna ang klase sa
nasabing paaralan.
(via Radyo Pilipinas)
0 Comments