Nagbabala ang Philippine Coast
Guard (PCG) sa mga Pilipino na huwag maniwala sa maling impormasyon at pekeng
balita tungkol sa sitwasyon sa West Philippine Sea (WPS), kung saan
ipinapakitang tama ang China.
"I'm calling all Filipino
na mahilig mag-Facebook, mahilig gumamit ng social media, kung may makakakita
kayo ng fake news na lumalabas sa feed ninyo, at least, learn to comment, share
the right information," pahayag ni PCG spokesperson Jay Tarriela nitong
Agosto 12, Sabado.
"Huwag natin hayaan na
mag proliferate ito. Otherwise, sa laban natin sa West Philippine Sea, matatalo
tayo," dagdag pa ni Tarriela.
Inilabas ang nasabing pahayag
ni Tarriela isang linggo ang nakalipas noong inatake ng Chinese Coast Guard
(CCG) ang Philippine vessel gamit ang water cannon sa Ayungin Shoal.
Kabilang sa ilang maling impormasyon
na ibinerepika ng Vera Files noong Mayo 2023, na umano'y nagpaputok ng water
cannon ang PCG sa isang Chinese fishing vessel sa West Philippine Sea. | JOHN RONALD GUARIN
via CNN Philippines
0 Comments