PAGPAPATUPAD NG MITIGATION MEASURES SA EL NIÑO, SINIMULAN NA

 

Inanunsyo ni Office of Civil Defense (OCD) administrator, Undersecretary Ariel Nepomuceno na sisimulan na ang implementasyon ng mitigation measures sa epekto ng El Niño phenomenon.

Ito ay bahagi ng masterplan ng gobyerno para malabanan ang epekto ng El Nino at maprotektahan ang vulnerable agricultural areas sa pamamagitan ng tamang water management.

Nitong Martes, nagsagawa ng pagpupulong ang National El Niño team met kasama ang ilang private at international partners para pag-usapan ang mga plano at aktibidad na tutugon sa epekto ng El Nino.

Kaugnay nito, nagbahagi ng kani-kanilang plano ang mga ahensya ng Agriculture (DA), Environment and Natural Resources (DENR), Energy (DOE), Health (DOH) at Interior and Local Government (DILG) para sa food security, water security, energy security, health at public safety. | JURRY LIE VICENTE