Naging matagumpay ang pagsisikap ng Aklan Provincial Government na mapabuti ang Health Care System ng probinsya.
Ito ang inihayag ni Aklan
Gov. Jose Enrique Miraflores sa kanyang State of the Province Address nitong
Martes, Agosto 22.
Aniya, bumaba sa critical
level ang kaso ng Covid-19 sa Aklan habang bumaba rin ang mga naitalang kaso ng
dengue at rabies sa probinsya.
Dagdag pa nito, nabawasan
din ang maternal mortality rate at infant mortality rate sa Aklan.
Patuloy din aniyang
isinusulong ang “behavioral change and information base knowledge” upang
palakasin ang mga pamilya sa probinsya.
Sa kabila nito, nasa 3,205
frontline Barangay Health Workers ang nakatanggap ng karagdagang ₱5,600 na insentibo mula sa Provincial
Government at nasa 4,014 na Barangay Nutrition Scholars ang nakatanggap ng
karagdagang ₱5,000 na
insentibo.
Sinabi
rin ng Gobernador na magpapatuloy ang pagbibigay ng alokasyon para sa
Supplementary Feeding Program ng 16,078 na mga kabataan sa probinsya.
Samantala,
binanggit din nito na isa ang Aklan sa nagpapatupad ng Advance Implementation
Site para sa Universal Healthcare Coverage Law. |
0 Comments