PACQUIAO GUSTONG SUMALI SA 2024 PARIS OLYMPICS

 

Pangarap ni Manny "Pacman" Pacquaio na makakuha ng gold medal sa pamamagitan ng pagsali sa darating na 2024 Paris Olympics.

Sa isang pahayag, sinabi ni Philippine Olympic Committee (POC) President Abraham 'Bambol' Tolentino, nakipag-usap na ito sa Association of Boxing Alliances in the Philippines (ABAP) at sa International Olympic Committee (IOC) hinggil sa planong pagsali ni Pacquiao sa Olympic.

Nabatid na kwalipikado pa si Pacquiao sa Olympic sa edad 44-anyos sa pamamagitan ng dalawang Olympic qualifying tournament sa una at ikalawang quarter ng 2024.

Kaugnay dito, handa ring tumulong si ABAP chairman Ricky Vargas kay Pacquiao para mapabilang ito sa national team.

| JURRY LIE VICENTE