MGA APEKTADO NG ASF SA KALIBO, MAKAKATANGGAP NG AYUDA

 

Makakatanggap ng ayuda mula sa gobyerno ang mga Backyard Hog Raisers ng Kalibo lalo na ang mga naapektuhan ng African Swine Fever (ASF).

Ito ay matapos na kinatay ang kanilang mga alagang baboy dahil nahawaan ng sakit na African Swine Fever (ASF) habang ang iba naman ay boluntaryong nagpakatay matapos magpositibo sa nasabing sakit.

Sa isinagawang orientation ng lokal na pamahalaan ng Kalibo, nasa ₱15,000 ang ibibigay na tulong pinansyal sa mga benepisyaryo.

Napag-alaman na kailangang magsumite ng proposal ang mga ito kung saan nila gagamitin ang matatanggap na pera.

Samantala, ilan lamang sa mga proyekto ng mga benepisyaryo ay ang dagdag na kapital para sa palayan, poultry broiler production, sari-sari stores at iba pa.

| JURRY LIE VICENTE

(via Doniel Aguirre/LGU Kalibo)