MGA NAMATAY SA BAGYONG EGAY AT FALCON PUMALO NA 29
Umakyat na sa 29 ang bilang ng mga namatay dahil sa
pananalasa ng dalawang bagyong Egay at Falcon na nagpalakas sa Southwest
Monsoon o Habagat na nakaaapekto sa bansa.
Sa pinakahuling datos ng National Disaster Risk Reduction
and Management Council (NDRRMC), karamihan sa mga naiulat na namatay ay mula sa
Ilocos, Western Visayas, Davao, at Cordillera Administrative Region.
Samantala nasa 11 naman ang nananatiling missing at patuloy pang
pinaghahanap sa ngayon.
Maliban dito, nagtala rin ng hindi bababa sa 140 hanggang
165 ang nasugatang indibidwal dahil sa sama ng panahon na dala ng bagyo.
Ayon sa NDRRMC, umakyat sa 3,028,040 o katumbas ng 805,621 na
pamilya ang naapektuhan sa bansa, at 56,694 na mga bahay ang nasira ng dumaang
dalawang bagyo at habagat. |
0 Comments