MGA MAGSASAKA NA NAAPEKTUHAN NG BAGYONG GORING, HINILING NG DA NA MAGREPORT SA MGA AGRICULTURE OFFICE

 

Nagpaalala ang Department of Agriculture Western Visayas (DA WV) sa mga magsasaka sa rehiyon na naapektuhan ng Bagyong Goring na kaagad magreport sa mga opisyal ng barangay, lungsod o Municipal Agriculture Office.

Ito ay kinabibilangan ng mga pinsala sa pananim, alagang hayop, makinarya o imprastraktura dulot ng Habagat na pinalaks pa ng Bagyong Goring.

Ayon sa DA, layunin nitong mapaghandaan ang kaukulang aksyon para sa mga apektadong magsasaka.

Napag-alaman na simula nitong Lunes, ilang lugar sa Western Visayas ang nakapagtala ng pagbaha dahil sa malawakang pag-ulan.

Nagpaalala naman ang DA WV sa mga magsasaka na bantayan ang lagay ng panahon. | JURRY LIE VICENTE