Inaresto ng otoridad ang dalawang lalaki matapos mahuli sa aktong nagbebenta ng pekeng sigarilyo sa Sta. Ana, Manila nitong Huwebes.
Ayon sa Special Mayor’s Reaction Team (SMART) ng Manila Police
District, isang kumpanya ng sigarilyo ang nag-report ng iligal na aktibidad sa
lugar.
Dahil dito, nagkasa ng entrapment operation ang mga pulis na
nagresulta sa pagkadakip ng dalawang suspek.
Itinuro din ng mga ito sa otoridad ang pinagkukunan ng
supply ng nasabing produkto na agad namang pinasok ng mga pulis at tumambad ang
mga pekeng sigarilyo sa loob ng bodega.
Narekober sa kanila ang 100 na ream ng hinihinalang pekeng
sigarilyo na nagkakahalaga ng P1.1 million.
Nahaharap ang mga nahuli sa kasong paglabag sa Intellectual
Property Code of the Philippines (Selling and Transporting of Suspected Fake or
Counterfeit Cigarettes) at Consumer Act of the Philippines. |
0 Comments