‘LOUDEST BURP IN THE WORLD’ RECORD, NAKUHA NG ISANG BABAE SA AMERIKA
Ni John Ronald Guarin
Nakakuha ng panibagong world record
ang isang babae mula sa Amerika para sa ‘world’s loudest burp by a woman’ o
pinakamalakas na dighay ng isang babae.
Ayon sa Guinness, umaabot sa
107.3 decibels ang lakas ng dighay ng babae—mas malakas pa sa harurot ng isang
motorsiklo.
Kinilala ang babaeng may
kakaibang talento na si Kimberly “Kimycola” Winter, residente ng Maryland, kung
saan bumisita siya sa isang radio station at pumasok sa kanilang “dead room”
para patunayan na siya ang may pinakamalakas na pagdighay.
Sa pinakaunang attempt, nakuha
ni Kimberly ang 107.3-decibels na lakas ng kaniyang pagdighay.
Dahil dito, natalo niya si Elisa
Cagnoni ng Italy na nakakuuha ng 107 dB na rekord noong 2009.
Sa pahayag ni Kimberly sa Guinness
Record, malakas na ang kaniyang dighay mula noong siya ay bata pa lamang at
nakakapagdighay na ito kahit konting tubig lamang ang naiinom niya.
Aniya, sanay na rin ang
kaniyang mga magulang sa malakas na pagdighay pero pinapakontrol lamang ito sa
kaniya lalo na kung nasa labas sila.
0 Comments