KASO NG ‘SEX ABUSE’ NG KAPARIAN SA PORTUGAL, KINONENDA NI POPE FRANCIS
Ni John Ronald Guarin
Nakipagkita si Pope Francis
sa mga survivor ng sexual abuse gawa ng kaparian sa Portugal nitong Agosto 2,
at pinuna niya ang mga pinuno ng Simbahang Katolika sa bansa dahil sa patuloy
na pagbabalewala sa matagal na problema.
Sa unang araw na pagbisita ni
Pope Francis sa Lisbon, Portugal para sa World Youth Day, dumalo ito sa isang simbahan
para makipagkita sa mga obispo roon at pinag-usapan ang mga isyu ng simbahan
tulad na ng ‘clergy sex abuse.’
Matapos nito, nakipagpulong
ang Santo Papa sa Vatican Embassy, kasama ang 13 na mga biktima, at pinakinggan
nito ang testimonya ng mga biktima,
Napag-alaman na base sa imbestigasyon
ng mga ekspertong kinuha ng mga obispo, nasa 4,815 na mga lalaki at babae ang inabuso
ng kaparian at iba pang mga tauhan sa simbahan mula pa noong 1950.
Dahil sa nasabing kaso ng
pang-aabuso, inihayag ng Santo Papa na ito ang naging rason kung bakit nasisira
ang kanilang komunidad at patuloy na umaalis sa simbahan ang mga
mananampalataya.
Via Associated Press
0 Comments