NAWAWALANG CESSNA 152, NATAGPUAN SA APAYAO; 2, PATAY
Kinumpirma ng Civil Aviation Authority na natagpuan sa Luna,
Apayao ang naiulat na nawawalang Cessna 152 matapos ang dalawang araw na
paghahanap.
Naabutan ng search teams sa lugar ang wasak na Cessna 152,
50 kilometro ang layo mula sa dapat nitong destinasyon, ang paliparan ng
Tuguegarao.
Habang, narekober naman sa Sitio Matad, Brgy. Salvacion
ang patay na katawan ng piloto at ng student pilot na sakay ng training aircraft.
Batay sa ulat, nagpadala na ng grupo ng mga imbestigador
ang CAAP Aircraft Accident Investigation and Inquiry Board (AIIB) sa lugar na
pinagbagsakan ng Cessna 152 upang suriin ang naturang aircraft, makakuha ng
ebidensya at makausap ang ilang testigo na makakapagpatunay sa naging dahilan
ng pagbagsak ng naturang aircraft.
Matatandaang naiulat na nawawala ang Cessna 152 noong
Agosto 1 matapos itong lumipad mula sa Laoag International Airport ng 12:16 pm at
nakatakdang dadating sa Tuguegarao Airport ng 3:16 pm. |
0 Comments