GURO, NALUNOD-PATAY SA ILOG HABANG PAUWI MULA SA PAARALAN SA AGUSAN
Ni John Ronald Guarin
Binawian ng buhay ang
isang guro na galing sa eskwelahan matapos itong malunod at tangayin ang
sinasakyan nitong balsa ilog ng Esperanza, Agusan Del Sur.
Natagpuan nitong
Agosto 25, Biyernes, ang bangkay ng gurong si Junard Saguidon na
nagpapalutang-lutang sa Pusilao River sa Sitio Balobo, Purok 5, Barangay
Bunaguit ng naturang bayan.
Sa pahayag ng kaibigan
ng biktima na si Elmer Tayon, galing umano sa paaralan ang biktima matapos
dumalo sa pagtatapos ng National Learning Camp.
Sakay ng balsa,
tatawid na ang biktima kasama ang tatlo pang guro sa Calabuan River nang bigla
na lamang rumagasa ang malakas na tubig sa ilog.
Napag-alaman ding pinayuhan
ng mga residente ang apat na guro na huwag na tumawid dahil sa estado nito,
ngunit nagpumilit pa rin ito at itinuloy na ang pagtawid.
Dahil dito, nalunod
si Saguidon habang nakaligtas ang tatlo niyang kasamahan.
Nakiramay na ang pamunuan ng Department of Education Caraga sa pagkamatay ng gurong si Saguidon. |via Remate
0 Comments