FUEL SUBSIDY PARA SA PUVs, AGRICULTURE SECTOR KABILANG SA PROPOSED 2024 NATIONAL BUDGET

 

FUEL SUBSIDY PARA SA PUVs, AGRICULTURE SECTOR KABILANG SA PROPOSED 2024 NATIONAL BUDGET

Kabilang pa rin sa proposed 2024 national budget ang fuel subsidy para sa mga pampublikong transportasyon at agriculture section.

Ayon kay Budget Sec. Amenah Pangandaman, nasa P2.5 billion ang inilaan para sa fuel subsidy ng mga operators at drivers ng Public Utility Vehicles (PUVs) sa ilalim ng Department of Transportation (DOTr).

Batay sa fuel subsidy program ng DOTr, P6,000 fuel voucher ang matatanggap ng mga kwalipikadong PUJ, taxi, tricycle, at full-time delivery service drivers sa buong bansa bilang tulong sa tumataas na presyo ng petroleum products.

Sa fuel subsidy program naman ng Department of Agriculture, P3,000 na fuel discount ang ibibigay sa mahigit 300,000 na mga magsasaka at mangingisda upang matiyak na hindi maapektuhan ang kanilang produksyon sa kabila ng mataas na presyo ng gasoline.

Samantala, naisumite na ng Department of Budget and Management nitong Miyerkules  sa House of Representatives ang P5.768-trillion na proposed national budget para sa 2024 kung saan mas mataas ito ng 9.5% kung ikukumpara sa P5.268-trillion na budget ngayong taon. |Ni Jurry Lie Vicente