ESTRATEHIYA NG DTI SA PAGPAPAHUSAY NG FOOD LOGISTICS SA PILIPINAS, APRUBADO NI PBBM

Aprubado ni Pres. Ferdinand Marcos Jr., ang plano ng Department of Trade and Industry (DTI) na mapahusay ang food logistics sa bansa.

Ayon sa Presidential Communications Office (PCO), layunin nitong matiyak na mananatiling sapat ang pagkain at abot-kaya sa mga Pilipino.

Ito ay bilang tugon sa naging mandato ni Pres. Ferdinand Marcos Jr., noong Setyembre 2022 na palakasin ang “food logistics chain, cold chain industry, ports infrastructure at farm-to-market roads.”

Kabilang din sa plano ang paggamit ng food terminals at hubs sa iba’t ibang bahagi ng bansa.

Samantala, sisikapin din ng gobyerno na malabanan ang mga nangyayaring hoarding at smuggling sa bansa. |JURRY LIE VICENTE