ELECTION PERIOD NG BSKE SA WESTERN VISAYAS, UMARANGKADA NA; HIGIT SA 15,000 POLLING PRECINCTS, ILALAGAY SA REHIYON

 

Pormal nang nag-umpisa ang election period para sa Barangay at Sangguniang Kabataan Elections (BSKE) sa buong bansa, lalo na sa Western Visayas, kung saan maaga pang dumagsa ang mga aspirants sa barangay at SK positions sa mga polling centers para sa filing ng kanilang certificate of candidancy (COC).

 

Ayon kay Atty. Dennis Ausan, Regional Director ng COMELEC-6, matagal na nilang pinaghahandaan ang naturang eleksyon na gaganapin sa Oktubre 30, araw ng Lunes.

 

Dito sa Western Visayas, inihayag ni Ausan na mayroong 15,622 ang clustered precincts na gagamitin sa BSKE.

 

Samantala, mayroon namang 5.1 milyong mga bontante para sa regular Barangay elections at nasa 1.7 milyon naman sa SK elections.

 

Dagdag pa nito, nakikiusap naman si Ausan sa mga aspirants na magtanong at magpaturo sa kanilang local Comelec officer sa pag-gill up ng mga COCs para masiguro na tama ang kanilang isinusulat sa mga form. | JOHN RONALD GUARIN

 

 

(via Radyo Pilipinas Iloilo)