Positibo ang Department of Tourism (DOT) na muling maabot ang dating dami ng turista sa bansa matapos ang pananalasa ng Covid-19 pandemic.
Sa tantya ng ahensya, makakamit ito ng bansa sa taong 2025
kung saan inaasahang aabot ng 8 million ang tourist arrivals na dating target
ng DOT bago ang pandemya.
Kung matatandaan noong 2019 ay pumalo sa 8.3 million ang
naitalang turista sa bansa kung saan pinakamarami rito ay galing sa South Korea, China, United
States, Japan at Taiwan.
Sa pinakahuling tala ng tourist arrivals sa bansa,
kasalukuyang nasa 3.35 million na ang bumisitang international tourist sa
Pilipinas nitong August 9.
Sa ngayon, puspusan ang kampanya ng DOT para maka-engganyo ng
mga turista sa bansa at isinama na ang ilang lugar sa Mindanao na bagong
destinasyon sa bansa. |
0 Comments